Propryété

Tèrm-an propriyété, di laten jouridik exproprias « propriyété, karaktèr pròp, èspésifik » ké « drwè di posésyon, kichoz posédé » à lépòk enpéryal-a, ka konsèrvé atchwèlman dé-ya menm sans. Nou ka trété isi di ségonn, sosyalman pli enpòrtan é pli dispité : oun ansanm di drwè ki ka konféré dé prérogativ èskliziv pou roun oben plizyò moun asou dé téritwar, dé lòbjè, dé fika, dé lidé oben dé métòd, ensi ki bagaj-ya ki vizé.

Propriyété o sans jouridik

Propriyété-a sa roun drwè ki ka ègzèrsé so kò asou roun byen mòb oben imòb, kòporèl oben enkòporèl. Li ja divizé tradisyonèlman so kò an trwa drwè réyèl :

• fructus-a : drwè-a di rékéyi frwi-ya di byen (profi-a),

• usus-a : drwè-a di itilizé li (izaj-a),

• abusus-a : drwè di an dispozé ki sa di détrwi li an tout oben parti, di modifyé li, oben di sédé li à rounòt, ki sa di alyéné li.