Karolin

Karolin a roun pèrsonaj kannaval Lagwiyann ki ka fè moun ari. Yé ka ékri li osi Caroline an fransé.

So listwè

Karolin sa roun fanm anglè. A lò ki fè so richès. Karolin ka poté so wonm asou so do. Li ka maché ké li toupatou pou ròt fanm pran li an so lanmen.

So travay

Li kontan anmizé moun-yan, fè yé ari. Pérsonaj Karolin a ka mété lavi-a pyè pou tèt, a li ki ka mennen, a pa wonm-an.

So kostim

Pérsonaj-a sa roun wonm ki ka prèté fanm-an so janm alòrski so laro kò kè so tèt ka vini di so mari. Kostim fanm-an dipi so tèt jouk so tay, a roun bwabwa plen ké koton. So dé bra koud déyè do so wonm. Kostim wonm-an gen so dé janm plen ké koton épi i koud alantou tay bwabwa-a. Karolin penché pa divan, i ka maché ké difikilté pou potè sou wonm asou so do.

Ròt Karolin

Karolin ka sanblé ké roun pèrsonaj kannaval Léròp, vyè moun ki ka poté jenn moun asou yé do.