Entèrnèt

Entèrnèt sa rézo enfòrmatik mondjal-a ki aksésib pou piblik. A roun rézo di rézo, ké kouminikasyon di patché, san sant névraljik, ki konpozé di milyon di rézo ki osi byen piblik ki privé, iniversitèr, koumèrsyal ké gouvèlmantal, yémenm rougroupé an rézo otonnonm.

Vizwalizasyon di miltip chimen-yan atravè roun pòrsyon di Entèrnèt.

Nonm di abonnman asou Entèrnèt pa lagsé figs ki rapòrté bay popilasyon-an, èsprimen an poursantaj, pa péyi, an 2012.

Lenfòrmasyon-an sa transmèt pa Entèrnèt grémési roun ansanm ki èstandardizé di protokòl di transfè di data, ki ka pèrmèt lélaborasyon di aplikasyon-yan épi di sèrvis ki varyé kou kourilèt élektronnik-a, mésajri enstantannen-an, pòs bò pòs ké World Wide Web-a. A laparisyon-an di sa dannyé-a ki popilarizé Entèrnèt-a.