Djab rouj ya

Djab rouj ya a  roun éléman annan tradisyon Lagwiyann. ki ka èspliké sòkò annan kannaval gwiyanè ki ka réprézanté sòkò annan kannaval-a chak lannen. i ka koumansé dipi janvyé pou rivé jouk févriyé, annan tout lari Kayenn. Mounn-yan ka bwennen annan kannaval ké yé lanmizik  é yé menm ka bliyé yékò annan lanmizik ki chwit toubonnman. Annan  djab rouj ya i gen  toupiti-ya  e i gen gran-yan, ké  tout yé kostim ki ganyen de koulè, rouj ké nwè, ki sanblé ké difé lanfè.

Kostim

A roun tradisyon péyi-a, yé kostim pa ka chanjé i toujou ganyen dé koulè rouj ké nwè. Yé kostim toujou ka koud ké roun twèl ki ka fèt an saten épi yé tout ka byen jòlòt. Pas i ganyen tout ti dékorasyon  ké tout so latcho. Yé kapich, yé fouch , ké yé dé kòrn, ki ka sanblé ké djab toubonnman. Yé gen labitid séré yé vizaj ké roun maks épi yé pa ka bouché yé wéy.

Histwè

Djab rouj ya  té rivé o zantyl  lannen 1960, y pran so nésans annan kristyaniz. A té roun bagaj ki té fèt pou yé té ka palé pou  èsklav- ya .Epi yétou té ka sèrvi  sa pou fè téyat  koté blanng-yan dipi Lafrans  tan mwayennaj.

Yé té ka sèrvi  labib ké tout so ékritri roun  fason pou yé té pé konparé  byen ké mal é yé té ka fè roun sénaryo ké  péché ké lanfè.

Pou moun-yan ki ka krè annan Bondjè, yé tout ka di ki sa bagaj-a ka vini di labib Apocalypse 13 ké 20.  yé ka di a roun bèt ki ka sédwi  moun. E sa ki pa ka krè annan Bondjé, yé ka di a roun bagaj ki fè é moun-yan konprann a roun bèt pou rébèl-ya. Yé ka di konran a roun mannyè ki ka mennen  moun-yan annan plézi . yé ka di osi ké djab rouj  a roun défilé ki ka di ki yé pa ka krè annan prèch monpè-ya.

Mèrkrédi désann a pou moun ki ka plérè  lanmò Vaval yé tout mété yékò an nwè ké blan ki sa rounn sign dèy pask yé vini  pou boulé rwa Vaval. Bagaj sa ka vini di Pòrtigal, di Lèspagn, di roun pati di Lafrans ké di Lafrik.