Azòt

Azòt-a sa éléman chimik-a di niméro atomik 7, di senbòl N (di laten nitrogenium). A tèt-a di fil di group dé pniktojenn. Annan langaj kouran-an, azòt-a ka dézigné kò senp-a N2 (djazòt), ki konstitchwan majoritèr di latmòsfè térès-a, rouprézantan prèsk 4/5e di lè-a (78,06 %, an volim). Azòt-a sa 34e éléman konstitchwan krout térès-a pa lòrd di enpòrtans.

Minéral-ya ki ka kontni azòt-a sa ésansyèlman nitrat-ya, notaman nitrat-a di potassium KNO3 (konstitchwan di salpèt) oben nit, ki té ka sèrvi ròtfwè pou fè dé lapoud èsploziv, é nitrat-a di sodium NaNO3 (konstitchwan di salpèt di Chili).