Apatou

Apatou
Administrasyon
Péyi	Lagwiyann (Lafrans)
Mèr	Paul Dolianki
Démografi
Jantilé
Popilasyon	8 040 zab. (2014)
Dansité	4 zab./km²
Jéyografi
Altitid	Min. 3 m – Max. 513 m m.
Siperfisi	2 020 km²

Apatou sa roun koumin fransé, ki sitchwé annan départman-an di Lagwiyann.

Li ka fè pati di kouminoté-a di koumin di Lwès gwiyannen-an.

Tòponnimi

Koumin-an ka tiré so non di kaptenn Apatou, roun Bonni di litoral ki ka sèrvi di gid o èsploratò fransé Crevaux ké Coudreau ki charjé di misyon pou délimité frontchè-a ké Gwiyann néyèrlandé-a di 1877 à 1887. An rékonpans di so sèrvis-ya, li fika nonmen kaptenn é ka obténi roun téritwè an konsésyon.

Jéyografi

Lokalizasyon

Koumin-an ka sitchwé so kò annan lwès-a di Lagwiyann. Li sa frontalyé ké Sourinanm-an.

Pli présizéman li ka sitchwé so kò annan larondisman di Sen-Laurent-di-Maronni, osen di kanton di Maripasoula.

An rouj téritwè kouminal-a d'Apatou.

Zéka

Apa bour-a d'Apatou, koumin-an ka konprann patché zéka kou vilaj-ya di Providans, Mayman, Pasyans, la Forestière, Santonia, Bois Martin, Nasson, New Campo, Anaou Londo oben Bossou.

Jéyoloji ké rélyèf

Laltitid magsimal-a sa di 380 mèt, annan masif Dékou-Dékou, ké so laltitid minimal di 0 mèt. So laltitid mwéyen sa di 190 mèt.

Lidrografi

Apatou sa sitchwé asou flòv Maronni-a ki ka konstitchwé roun dé zags di transpò di koumin-an.

Klima

Klima sa di tip ékwatoryal (tip Af soulon klasifikasyon-an di Koppen).

Lirbannism

Vwè di kouminikasyon ké transpò

Dipi 9 mars 2010, larout nonmen « di flòv », ki k'alé di Sen-Laurent-di-Maronni à Apatou, sa louvri. Sa larout-a ka pèrmèt di randé so kò atè Apatou dipi Sen-Laurent-di-Maronni an anviron 45 minout. Sa larout-a té dézanklavlé Apatou é ka lyannen li o rès di rézo routché gwiyannen. Apatou sa agsésib pa flòv Maronni-a, prensipal vwè di lagsé pou patché vilaj ki prézan asou lariv di sala-a. A pou nou konté 2 lèr di piròg o dépa di Sen-Laurent-di-Maronni.

Lòjman

An 2006, i ganyen 1353 lòjman atè Apatou. Parmi sa-ya 97,8 % sa dé rézidans prensipal, 0,9 % dé rézidans ségondèr é anfen 1,3 % dé lòjman sa vakan.

Listwè

Koumin-an té kréyé an 1976 pa séparasyon-an di koumin-an d'Apatou di ansyen koumin-an di Gran-Santi-Papaychton-Apatou.

Popilasyon ké sosyété

Popilasyon-an sa tré majoritèrman isou di zétni Bonni-a.

Démografi

Lévolisyon-an di zabitan sa konnèt atravè rousansman-yan di popilasyon-an ki éfègtchwé annan koumin-an dipi 1961, pronmyé rousansman pòstéryò à départmantalizasyon-an di 1946. À pati di 2006, popilasyon légal-ya dé koumin sa pibliyé anniyèlman pa Insee-a. Rousansman-an ka roupozé dézòrmè asou roun kolèk di lenfòrmasyon anniyèl, ki ka konsèrnen sigsésivman tout téritwè kouminal-ya o kour di roun péryòd di senk lannen. Pou koumin-yan di mwen di 10 000 zabitan, roun ankèt di rousansman ki ka poté asou tout popilasyon-an fika réyalizé tout senk lannen-yan, popilasyon légal-ya dé lannen lentèrmédjèr ki fika kant à yé èstimen pa entèrpolasyon oben èstrapolasyon. Pou koumin-an, pronmyé rousansman ègzostif ki ka antré annan kad-a di nouvèl dispozitif té fika réyalizé an 2005.

Lansengnman

I ganyen roun kolèj, kolèj d'Apatou, osen di koumin-an.

An 2006, popilasyon èskolarizé-a té ka konprann, pa tranch di laj, 48,6 % dé timoun di 2 à 5 lannen, 90,2 % dé timoun di 6 à 14 lannen, 58,4 % dé 15 é 17 lannen, 16,8 % dé 18 à 24 lannen, 2 % dé 25 à 29 lannen é 1,2 % dé pli di 30 lannen.

Asou ansanm-an di popilasyon-an ki pa èskolarizé, 0,4 % sa titilèr di roun CEP, 0,5 % di BEPC, 2,2 % di CAP oben di BEP, 0,7 % di BAC oben roun lékivalan, 1,3 % di roun BAC +2 é 2,7 % di roun diplonm di nivèl sipéryò. 92,2 % di so popilasyon pa gen di diplonm.

Santé

Lavil-a ka kontni roun sant di santé ké médsen ké enfirmyé.