1672
lannen
1672 sa roun lannen bisègstil ki ka koumansé oun vandrédi.
Évènman
chanjé- 21 mars : oun flòt fransé ki pati 6 janvyé-a di Surate, ki koumandé pa De la Haye ké François Caron, ka aparèt divan Trinquemalay atè Ceylan. Yé ka établi dé rélasyon diplonmatik ké rwè-a di Kandy Râjasimha II ki ka bay yé plas-a di Trinquemalay (26 mars). Tantativ-a ka échwé aprè dépa-a di lèskad fransé-a 9 jwiyé-a ké lentèrvansyon-an dé Olandé-ya ki ka anparé yé kò di plas-a (11-19 jwiyé).
- 7 avril : Louis Buade de Frontenac ka divini gouvèlnò jénéral-a di Nouvèl-Lafrans(1672-1682 ké 1689-1698). Li ka pran so fongsyon-yan 12 sèptanm-an é ka fè pannan dis lannen roun politik di gouvèlman dirèk é d’asimilasyon.
- 14 avril : koumansman di règn di Mulay Ismaïl, rwè di Maròk (finisman an 1727). Mulay Rachid ka mouri aprè roun chit di chouval (9 avril). So jenn frè Mulay Ismaïl ka achévé so lòv di réyinifikasyon di Maròk. Li ka pasifyé so rwayom o pri di sanglant réprésyon. Pou mentni lòrd-a é ka roukonkéri lavil-ya ki tchipé pa Éropéyen-yan, li ka konstitchwé oun milis arab (guich dé Ouadaïs) ké roun larmé ki konpozé ésansyèlman di Soudannen, ki ka atenn 150 000 wonm. Atè Meknès, so kapital, li ka risouvwè dé anbasadò, an partikilyé di Lafrans, di Langlétè é di Lèspagn pou lyannen dé rilasyon koumèrsyal.