1670
lannen
1670 sa roun lannen koumin ki ka koumansé oun mèrkrédi.
Évènman chanjé
- 4 févriyé, Lenn : batay di Sinhagad. Shivaji ka rékipéré fò-ya ki li té pédi an 1664.
- Avril : Anglé-ya ka fondé roun létablisman kolonnyal atè Charleston (Charles Town) an Karolin di Sid.
- 2 mè :Charles II di Langlétè ka ògtrwayé roun chart à Konpagni-a di Bè-a d'Hudson à kondisyon èsprès ki bénéfisyèr-ya ka trouvé roun pasaj ki ka mennen an Lanmè-ya di Sid. Chart-a ka bay à konpagni-a monnonpòl-a di koumèrs asou tout lanmè, détrwa, bè, larivyè, lak, krik oben bra di lanmè an lyen dirèk ké bè-a d'Hudson, pé ka enpòté latitid-a, téritwar-a oben péyi-a ki konsèrnen (téritwar rouvandiké pa Lafrans-a). Médard Chouart des Groseilliers ké Pierre-Esprit Radisson sa pronmyé-ya ki ka propozé mété asou pyé di roun tèl konpagni. Aprè ki li rankontré patché léchèk oprè di rwè di Lafrans, yé ka fè apèl o prens Rupert, kouzen di rwè di Langlétè Charles II ; a Rupert ki ké konvenk rwè anglé-a.