1618

1618 sa roun lannen koumin ki ka koumansé oun lendi.

23 mè : défounèstrasyon di Prague. Gravir di Matthäus Merian.

Évènman

• 26 févriyé, lanpir otoman : koumansman di soultannat otoman di Osman II (finisman an 1622). Mustafa Ie, frè d’Amhet, sa ranvèrsé pa jannisèr-ya ki enspiré pa Kösem, favorit d’Amhet é manman di plizyò tiboug, don Osman II, kat mwa aprè so agsésyon o tronn.

• Févriyé : Samuel de Champlain ka propozé à Louis XIII annan roun mémwè d’évanjélizé endijenn-yan di Kébèk é d’établi dé sant enpòrtan. Lirwè-a ka bay so akò 12 mars.

• 27 mars : rivé atè Tonbouktou di pacha Ammar, ki voyé pa soultan-an di Maròk. Li sa dépozé o bou di trwa mwa pa kayid-a Ali Ben Abdallah. Maroken-yan pli gen di mwayen di vini an lèd à yé posésyon o Soudan ògsidantal é ka abandonnen définitivman yé konkèt o kò èspédisyonnèr. Konkéran maroken-yan ka asimilé so kò piti piti ké Songhaï an épouzan dé prensès lokal. Lalit fratrisid-ya ki ka opozé yé ka rédjwi yé nonm. Paul Imbert, natif dé Sables d'Olonne, ki ka akonpagné èspédisyon militèr maroken-an kou lèsklav, ka séjounen atè Tonbouktou.