1474
lannen
Sa paj ka konsèrnen lannen 1474 di kalandriyé julyen.
Évènman chanjé
Lazi chanjé
- 19 désanm : o Japon, shogun Yoshimasa Ashikaga abdiké pou konsakré so kò pou lar an favò di so tiboug Yoshihisa Ashikaga. Oun konfli du siksésyon ka présipité déklen-an di fanmi-a Ashikaga.
Pròch-Oryan chanjé
- 18 jwiyé : ègzékisyon di vizir otoman di lorijin grèk Mahmud Pacha Angelović, ki soupsonnen di négosyasyon ké Véniz ant 1469 ké 1473 pou rèstoré à so profi Lanpir bizanten-an.
- 26 out : Catherine Cornaro ka divini renn di Chip à lanmò-a di so tiboug Jacques III le posthume.
Léròp chanjé
- 6 févriyé : Otoman ka ensandjé Varaždin an Krowasi don popilasyon-an sa masakré. Yé ka mennen dé enkirsyon an Lotrich é an Ongri jouk 1480.
- 21 févriyé : trété d'Utrecht ant Hanse ké Langlétè-a, ki ratifyé pa Hanse 1e mè-a é pa Édouard IV di Langlétè 20 jwiyé-a ; pa sa konvansyon Anglé-ya ka òbténi libèrté-a di koumèrs annan lanmè Baltik, an Pris é annan lavil-ya di Hanse, ké vil hanséyatik-ya konfirmasyon-an di yé privilèj an Langlétè.
- Févriyé : Louis XI di Lafrans ka akòrdé dé privilèj pou marchan étranjé-ya ki ka vini enstalé yé kò atè Bordeaux. Patché nouvèl krétchen di Lèspagn é di Pòtidjal ka enstalé yé kò annan lavil-a.