1417
lannen
Sa paj ka konsèrnen lannen 1417 di kalandriyé julyen.
Évènman chanjé
Lafrik chanjé
- Èsplorasyon chinwa an Lafrik oryantal (1417-1433). Flòt-ya di lanmiral eunuque Zheng He ka vizité Malindi, Brava ké Mogadisque é ka tanté di asiré so kò métriz-a di koumèrs asou loséyan Endjen-an.
Lanmérik chanjé
- Chimalpopoca ka divini trwazyenm souvren-an dé Aztèk.
Lazi chanjé
- Lit entèrn pou pouvwè-a o Japon. Rébélyon-an d'Uesugi Zenshū kont vis-shogun di Kamakura Ashikaga Mochiuji sa réprimé pa troup-ya di shogunYoshimochi Ashikaga. Koumansman di roun péryòd d'enstabilité annan réjyon-an di Kantō. Ashikaga-ya ka pédi kontrol-a di réjyon oryantal-a di Kantō.
- Chinwa-ya ka roulansé négosyasyon diplonmatik-ya ké Japon (1417-1418). Japonnen-yan ka déziré établi dé rapò d’échanj ké Lachin-an, mé ka roufizé toujou di antré annan sistenm-an di tribi. Chinwa-ya ka ménasé di ègzèrsé dé rouprézay, mé yé pa tandé annan roun kontèks politik enstab.
Léròp chanjé
- 2 janvyé : lanprò-a Sigismond Ie ka kité Lyèj à lenprovis san ki li randé franchiz o Lyéjwa.
- Janvyé-févriyé : o koumansman di lannen-an, soultan-an ka tchipé Dobroudja. Valachi-a divèt roukonnèt sizrennté-a dé Tirk otoman. Li ka gardé annan roun pronmyé tan so lotononmi entèrn, so dinasti ké so rélijyon krétchen an échanj di roun tribi. Mircea Ie di Valachi divèt sédé Dobroudja o soultan.