1353

Sa paj ka konsèrné lannen 1353 di kalandriyé julyen.

Évènman

• Mars : Ibn Battuta ka atenn Tombouctou.

• Ibn Battuta ka mansyonnen Idris, rwa (maï) di Bornou ki pa ka jen montré so vizaj. Fondasyon di rwayom endépandan di Lan Xang (péyi di « Milyon d’éléfan »), fitir Laos, pa prens-a lao, Phraya Fa Ngum. Kapital-a sa fiksé à Luang Prabang.

Léròp

• 6 mars : kanton-an di Berne ka jwenn so kò à Konfédérasyon-an dé VIII kanton. Lig Étèrnèl Swis-a ka konprann lwit kanton.

• 26 avril : lanmò di Siméon le Superbe di lapès-a. So tèstaman ka konséyé à so léritché-ya di obéyi o fitir métropolit Alexis Plechtchéev. Koumansman di règn di so frè Ivan II Ivanovitch le doux (1326-1359), gran prens di Mòskou. I ka kontinwé politik-a d’èspansyon ké lèd-a di métropolit Alexis.

• 3 jen : maryaj atè Valladolid di Pierre le Cruel ké Blanch di Bourbon. Rwa-a di Kasti ka abandoné so épouz dè landimen-an é ka jité li an prizon. Léchèk-a di sa linyon ka fè tonbé an disgras João Afonso di Albuquerque ki ka pran kabèch-a di rébélyon-an atè Kasti o koté dé dimi-frè di rwa, Henri di Trastamare é Fadrique di Kasti.