1108

Sa paj ka konsèrné lannen 1108 di kalandriyé julyen.

Évènman

Pròch-Oryan

• Mars : blocus di Tripoli. Kadi-a di lavil-a Fakhr al-Mulk, ka doumandé san siksè dé soukour o soultan Muhammed Ie atè Bagdad. Notab-ya di lavil-a ka tounen so kò bò'd vizir-a d’Éjip Al-Afdhal an out.

• Out - sèptanm : atabeg-a di Mossoul Jâwali Saqâwâ ka libéré Baudouin II d’Édesse é ka konkli ké li roun alyans. Baudouin ka randé so kò atè Antioche é ka réklamé atè Tancrède so fyèf d’Édesse. Sala ka roufizé. Baudouin ka kité Antioche pou fè so jonksyon ké so alyé Jawali. Tancrède ka swiv li é ka tanté di an anpéché li. Malgré tchèk akrochaj, Dé wonm-yan ka réyini yé kò aprè chak briga pou manjé ansanm ké bavardé ! Oun médjasyon di patriyarch d’Antioche ka départajé Dé chèf-ya franc. Baudouin ka rékipéré so fyèf. Rantré atè Édesse, i ka libéré prizonnyé musulman-yan, ki k'alé menm jouk ègzékité oun di so fonksyonèr krétchen-yan ki té piblikman enjouryé islam-an. Ridwan d’Alep ka alyé so kò alò o mèt d’Antioche kont koalisyon di émir-a di Mossoul é di kont d’Édesse.