Logaritm

An matématik, logaritm-an di baz b di roun nonm réyèl strikman pozitif sa pwisans-a à lakèl i fo élvé baz-a b pou obténi sa nonm. Pa lègzanp, logaritm-an di 1000 an baz 10 sa 3, pas 1000 = 10×10×10 = 103. Logaritm-an di x an baz b sa noté logb(x). Ensi log10(1000) = 3.

Trasé dé fonksyon logaritm an baz 2, e é 10.

John Napier té dévlopé logaritm-yan o koumansman di xviie syèk. Pannan trwa syèk, tabl-ya di logaritm ké règ-ya pou kalkil té itilizé pou réyalizé dé kalkil, jouk yé ranplasman, à finisman-an di xxe syèk, pa dé kalkilatris.

Trwa logaritm sa roumarkab :

• Logaritm népéryen-an (oben natirèl), ki ka itilizé nonm-an e kou baz, sa fondamantal an analiz matématik pas li sa fonksyon résiprok-a di fonksyon èksponansyèl-a ;

• Logaritm désimal-a, ki ka itilizé baz dis-a, té pli kominéman itilizé pou kalkil-ya ;