Frwi

Annan langaj kouran-an é an tchwizin, oun frwi sa roun aliman véjétal, à savò soukré, jénéralman konsomé kri.

Étal dé frwi o marché di La Boqueria, Lèspangn.

Kou ka montré dé nonbré tablo ansyen, fòrm ké tay-a dé frwi ké légim, yé pouvé varyé dipi 400 oben 500 lan (La Fruttivendola di Vincenzo Campi, pinacotèk di Brera, Milan)

Tèrminoloji

Étimoloji

Tèrm-an « frwi » ka provini di laten fructus ki gen, dipi lépòk latin-an, diféran sans-ya ki nou konnèt di li jòdla. A té partisip pasé di fruor.

Mannyè di wè lèksikal ké botanik

Alò ki « frwi » gen roun doub asépsyon soulon ki nou ka plasé nou kò annan kad di tchwizin-an oben di botanik, « légim » sa roun tèrm strikman kilinèr.

O plan botanik, roun frwi, di tip charni oben pa, sa èstriktir ki isou di évolisyon ki rivé à matirité di ovèr, don rol-a sa di protéjé é di asiré difizyon-an dé grenn.