1035
lannen
Sa paj ka konsèrné lannen 1035 di kalandriyé julyen.
Évènman chanjé
- Alò ki yé ka rouvini di roun pèlrinaj à La Mecque, chèf-a dé Djoddala Yahya Ibn Ibrahim ka kontré ké prè di Sidjilmâsâ bèrbèr-a Abdallâh Ibn Yacine, malékit entranzijan. Dé wonm-yan ka roujwenn tribi-ya Sanhadja di Mauritanie é Ibn Yacine ka tanté di yé anségné malékism-an. A roun léchèk. Yahia, Ibn Yacine é tchèk fidèl ka routiré yé kò asou roun zil di kot-a koté yé ka konstrwi roun monastè fòrtifyé (1048), à lorijin-an di dinasti bèrbèr-a dé Almoravid ki ka régné asou Maghreb jouk 1142.
Éròp chanjé
- 13 janvyé : douk-a di Normandi Robert le Magnifique ka rèstoré abbaye féminin di Montivilliers. Anvan so dépar an pèlrinaj atè Jérusalem, douk-a ka réyini gran-yan di douché atè Fécamp é ka doumandé yé di roukonnèt kou léritché so jenn tiboug Guillaume le Bâtard, ka ajé di lwit lan. I ka mouri asou chimen di routour, atè Nicé (22 jwiyé). Baron-yan norman ka dispité yé kò pouvwè-a pannan minorité-a di Guillaume (1035-1047).
- 31 mars : à lanmò-a di Berenguer Ramon Ie, so posésyon-yan sa partajé ant so trwa tiboug-ya. Raymond Bérenger Ie Vyé-a ka divini kont di Barcelone (finisman di règn an 1076). So gran-manman Ermessende di Carcassonne ka ègzèrsé réjans-a jouk 1041.