Dipi Néyolitik-a té ka ègzisté atè Lachin, détchèk sosyété òrgannizé sédantèr ki té ka pratiké lagrikiltir ké lélvaj. Kiltir-a di douri ka aparèt bò'd 5000 anv. J.-K. Byen ki détchèk lòbjè té fika trouvé asou sit-a di kiltir Majiayao (ant 2300 ké 2700 avanv. J.-CK.), li sa jénéralman admèt ki laj di bronz koumansé atè Lachin òbò di 2100 anv. J.-K., pannan dinasti-a dédi Xia. MéMen a anba dinasti-a dédi Shang (di 1766 à 1122 anv. J.-K.) Ki travay-a di bronz ka atenn tout so dévlopman.
=== Listwè di répiblik popilèr di Lachin ===
An 1949, Kouminis-ya ka achvé di pran kontròl-a di Lachin kontinantal-a (ki ka achvé an 1950 yé konkèt pa sa-a di zilé di Hainan), ki ka mété finisman àbay roun lonng péryòd di lagèr sivil kont gouvèlman-an di Kuomintang é diké mòrsèlman politik. 1e1é ògtòb, Mao Zedong ka proklanmen asou laplas Tian'anmen, atè Péken, fondasyon-an di répiblik popilèr di Lachin, ki ka sigsédé à répiblik-a di Lachin. PartizanPatizan Kuomintang-yan ka roupliyé so kòyékò annan zilé di Taywann, ké tchèk zilé di Fujian, koté ka mentni so kòsokò roun gouvèlman ki toujou ka rouvandiké lapélasyon-an di répibliik di Lachin. Gouvèlman-an ki bazé atè Taywan sa inisyalman sèl Léta chinwè ki roukonnèt pa péy ògsidantal-ya, é ka konsèrvé syèj-a di Lachin àbò ONU-a.
[[Fiché:PRCFounding.jpg|thumb|Mao Zedong ki ka proklanmen répiblik popilèr di Lachin (fotografi di Hou Bo).]]
