'''Lachin''', an fòrm lonng '''répiblik popilèr di Lachin''' (oben '''Répiblik popilèr di Lachin''', '''RPL''', chinwè senplifyé : 中华人民共和国 ; chinwè tradisyonnèl : 中華人民共和國 ; pinyin : Zhōnghuá Rénmín Gònghéguó, prounonsé [tʂʊŋ˥xua˧˥ɻən˧˥mɪn˧˥kʊŋ˥˩xə˧˥kuɔ˧˥]), pafwè aplé '''Lachin popilèr''' aplé Lachin popilèr, sa roun péy di [[Lazi]] di Lès. Ké bò d'1,4 bilyon di zabitan, swé anviron roun sizyenm di popilasyon mondjal-a, li sa péy-a ki pi péplé-a di monn. Li ka konté lwit laglonmérasyon di pli di dis milyon di zabitan, don kapital Péken, Shanghai, Kanton, Shenzhen ké Chongqing, ensi ki pli di trant lavil di onmwen 2 milyon di zabitan. Ké 9 596 961 km2 soulon chif-ya di ONU-a, Lachin-an sa égalman pli gran péy-a di Lazi oryantal ké trwézyenm oben katriyenm pli gran péy annan monn-an pa so sipèrfisi. Lachin-an ka étann so kò dé lakot di loséyan Pasifik-a o Panmir é o Tian Shan, é di dézè di Gobi à Limalaya o konfen di pénensil endochinwè.
