Wikipédja:Prensip fondatò : Diférans ant vèrsyon

<br />

{| style="background:none"

||'''[[Wikipédja:Wikipédja sa roun lansiklopédi|Wikipédja sa roun lansiklopédi]]''' ki ka enkòporé tchèk léléman di lansiklopédi ki jénéralis, di lansiklopédi ki èspésyalizé, di lalmannach épi di atlas. Li pa sa roun konpilasyon di lenfòrmasyon ki ajouté san bon sans ké konnésans. Li pa sa nonpli roun sours di dokiman di pronmyé lanmen é di sasé orijinal, ni roun tribin pou fè propagann. Wikipédja pa sa roun jòrnal, roun ébèrjò gratchwi, roun fournisò di paj pèrsonnèl, roun rézo sosyal, roun séri di artik pronmosyonèl, roun kolègsyon di mémwè, roun lèspéryans anarchis oben démokratik, oben roun lanniyèr pou yannaj. Anfen, a pa koté-a pou bay ou lopinyon, lèspéryans oben déba. Tout nou rédaktò divèt rèspèkté [[Wikipédja:Travay nòv|lentèrdiksyon asou sasé orijinal]] (ki nonmen osi « travay nòv ») épi di sasé roun ègzaktitid osi pousé ki posib.

|-

|

|-

||'''[[Wikipédja:Drwè di lotò|Wikipédja sa pibliyé anba lisans ki lib]]''' é sa louvri bay tout moun : tègs-ya ki pibliyé sa disponnib anba [[Wikipédja:Lisans Creative Commons Patèrnité-Pataj di Kondisyon-yan ki Inisyal kou li Fika 3.0 ki pa transpozé|lisans Creative Commons Patèrnité-Pataj di Kondisyon-yan ki Inisyal kou li Fika 3.0 ki pa transpozé]] ({{CC-BY-SA 3.0}}) ké [[Wikipédja:Lisans pou dokimantasyon ki lib GNU|lisans pou dokimantasyon ki lib GNU]] (GFDL 1.3). Sa lisans la otorizé chak moun pou kréyé, kopyé, modifyé ké distribiyé kontni-a di Wikipédja. Lobligasyon-yan sa di [[Copyleft|konsèrvé menm lisans-a]] pou kopi-ya ki konfòrm ké kopi-ya ki modifyé, ensi ki di krédité lotò orijinal-ya. Pyès moun gen kontrol di roun artik an partikilyé. Tout tègs ki mennen asou Wikipédja pouvé fika modifyé épi roudistribiyé san panga pa nenpòrt ki moun, menm di mannyè marchann. « [[Zòv ki lib|Lib]] » pa lé di ki chak moun pouvé marké oben fè sa i lé an tout [[libèrté]]. [[Drwè di lotò]] divèt fika rèspèkté.

|-

|

|-

||'''[[Wikipédja:Larèl pou savé viv|Wikipédja sa roun projè kolaborativ ki ka swiv tchèk larèl pou savé viv]]''' : ou divèt rèspèkté ròt wikipédjen-yan, menm lò i ganyen roun dézakò. Rété toujou poli, kourtwè ké gran rèspè. Sasé [[Wikipédja:konsantman|konsantman]]. Pa livré oukò bay tchèk [[Wikipédja:Pa di atak pésonnèl|atak kont tchèk moun]], ni bay tchèk jénéralizasyon ki ka ensilté moun. [[Wikipédja:Gadé ou kalm|Gadé ou kalm]] lò bèt-a ka chofé. Panga pa rantré annan [[Wikipédja:lagèr di modifikasyon|lagèr di modifikasyon]]. Pa bliyé ki i ganyen {{nonm|{{NUMBEROFARTICLES}}|artik}} ki diféran asou Wikipédja an kriyòl gwiyannen, asou lakèl ou pouvé travay ké diskité. Aji ké roun bon konpòrtman épi pati di prensip ki ou entèrlokitò [[Wikipédja:Sipozé roun bon konpòrtman|ka aji parèy]], sof si i gen vréman pròv di kontrèr. Rété toujou louvri, akéyan épi annan roun lèspri di kanmaradri.

|-

|

|-

||'''[[Wikipédja:Lentèrprétasyon kréyativ di larèl|Wikipédja pa gen ròt larèl ki figs]]''' ki senk prensip fondatò ki sité isi. [[Wikipédja:Pa pran pè !|Pa pran pè fika majò]] annan ou kontribisyon pis ki roun di anvantaj-ya di pouvé modifyé Wikipédja sa ki tout bagaj pa benzwen fika byen fè dipi koumansman-an. A pa lapenn konnèt tout [[Wikipédja:Larèl ké roukoumandasyon|larèl]] pou kontribiyé. Si ou ka fè tchèk lérò, ròt kontribitò ké trouvé yé, korijé yé épi èspliké yé bay ou. Pa pran pè nonpli di fè roun fot : tout vèrsyon ki ka présédé di artik-ya sa konsèrvé épi aksésib grémési [[Lèd:Listorik|listorik]], li sa donk enposib di andonmajé oben di pédi définitivman di lenfòrmasyon asou Wikipédja. Men pa bliyé ki tousa ou ka marké ké sa prézèrvé pou pòstérité-a.

|}