Modèl:Limyè asou

Lagwiyann (Guyane an fransè) sa roun réjyon é roun départeman fransè sitwé annan amérik di Sid-a. Kompétans-ya di sé dé nivo di Kolektivité sa ekzersé annan kad-a di oun kolektivité téritoryal inik ké lorgàn délibéran sa asamblé di Lagwiyann-a. So kod insee-a a 973.

Ké oun siperfisi di 83 846km2 é oun popilasyon di 252 338 zabitan 2014, Lagwiyàn sa dézièm réjyon di Lafrans an term di siperfisi é dézièm mwen péplé aprè Mayòt. Li sa égalman départeman-an pli bwazé, 98% di téritwar kouvè ké roun danbwa ki parmi pi rich-ya é mwen ékolojikman fragmanté o mond.

Sé prémyer tras arkéoloji (potri, gravir roupès, poliswar…) di pèpl amérendyen antr Oyapock é Maroni-a ka roumanté dépi Ve miléner avan nòt èr. Bokou di yo siksèsò adan menm zon géografik ka aparténi prensipalman o group lengwistik di sé Tupi-Guarani. Nou ka estimé ki jouk fen di IIIe syèk, sé Endyen Arawak ké Palikur, originèr di sé riv di Amazon, ka enstalé yo kò asou litoral gwiyanè. Yé swivi o VIIIe syèk par sé Endyen aplé Karayib ou Karib, sé Kali’na (Galibi) ké Wayana...Lire la suite