Menm si gran majorité-a di so popilasyon sa mouzoulman ké roun fon étnik bèrbèr ki ka prédonminen, Maròk-a ki lé so kòsokò roun péy miltikiltirèl di pa so kontak miltip é plizoumwen enpòrtan pannan tout o lonng di so listwè, notanman ké Fénisyen, Ronmen, Bizanten, Vikinng, Arab, Potidjé, Otonman, Afriken sibsaaryen, Èspangnòl ké Fransé.
Léta sivil maroken-an pa ka otorizé rounlo prénon ki dé paran maroken ka swété bay à yé tiboug pou détchèk rézon di « riptir ké lidantité maroken-an ». Alò ki sa mizou ki té ka konsèrnen sirtou prénon bèrbèr-ya, li « sa di pizanpi élarji opou lapélasyon-yan di lorijin arab, ki lyannen àké lislanm oben pafwè ki enspiré dédi sélébrité-ya di sinéma. »